Leer Russell Goliath ken 

Russell Goliath is ’n trotse inwoner van Wyk 6 en woon reeds 32 jaar in Swellendam. Hy is 58 jaar oud, ’n gerespekteerde gemeenskapslid, toegewyde kerkman en eerlike leier wat sy lewe lank diens gelewer het.

Hy het 18 jaar by Swellendam Munisipaliteit gewerk, daarna by privaat maatskappye en is die afgelope 15 jaar ’n onafhanklike kontrakteur. Hy werk tans op die Red Rocket Windplaasprojek.

Sy leierskap strek oor dekades: van UDF- en ANC-voorsitterskap tot vandag as ’n toegewyde DA-leier in Wyk 6. Russell verstaan die stryd en hoop van sy gemeenskap en is gereed om opnuut te dien

Russell se prioriteite: 

Gemeenskapsveiligheid:

Ek sal saamwerk met SAPD, buurtwagte en die plaaslike GPF om misdaad en dwelmmisbruik aan te pak. ’n Veilige Wyk 6 beteken ’n sterker gemeenskap.

Plaaslike ekonomie:

Ek sal bydra tot stabiele bestuur van Swellendam Munisipaliteit, sodat dit ’n omgewing skep waar die privaatsektor wil belê – wat lei tot meer geleenthede en werkskepping vir die mense van Wyk 6.

Behuising en dienslewering:

Ek sal veg vir regverdige behuisingstoekennings en basiese dienste wat betyds en deursigtig gelewer word.

Omgewing:

Ek sal toesien dat water, riool en infrastruktuur in ’n skoon en veilige omgewing beskerm en verbeter word.

Kan ek in hierdie verkiesing stem?

Jy kan as jy geregistreer is by hierdie stemlokaal in Wyk 6 Swellendam:

PENTECOSTAL PROTESTANT CHURCH, SWELLENDAM

Om jou registrasiebesonderhede na te gaan, besoek asseblief: https://check.da.org.za